Bas Maa ki Godh Yaad Aati Hai

Bas Maa ki Godh Yaad Aati Hai

Jab dil dooba Dooba lagta hai, dhadkan badh jati hai
Aise mein phir bas Maa ki godh hi yaad aati hai

Musibato se joojh kar, jab lautate hain hum
Guzarte waqt ki aahat, hamara munh chidhati hai
Aise mein phir bas Maa ki godh hi yaad aati hai

Kisi ne daant kya diya, chhupa leti maa aanchal mein
Ye duniya to baat baat par, daaman chhudati hai
Aise mein phir bas Maa ki godh yaad aati hai

Agar yun dekhein to, khudgarz kuchh kam nahin hum bhi
Humen bhi to museebat mein hi Maa ki yaad aati hai

Jab dil dooba Dooba lagta hai, dhadkan badh jati hai
Aise mein phir bas Maa ki godh hi yaad aati hai

Maa ko Bula de Koi

Meri maa ko bulaa de koi,
Warna mujhko hi sulaa de koi,

Mujhko ko bistar ki adat hi nahi,
Apni godi mein jhulaa de koi,

Shayad aa jayen woh rona sunkar,
Mujhko bewajah rulaa de koi,

Mujhko khwaahish nahi mile duniya,
Mujhko Maa se mila de koi

**********************************************************************

Advertisements

One thought on “Bas Maa ki Godh Yaad Aati Hai

Comments are closed.